Ilbierah kienet ġurnata mportanti għal hafna nies li ġew hawn fi Zurich. Għalina kienet ġurnata twila, imma nteressanti ħafna...
Kull sekonda li tgħaddi waqt li qegħdin hawn inkompli nistgħaġeb kemm l-isvizzeri huma poplu minn tagħna... Dħulin kemm tridhom u jgħinuk bil-qalb kollha. Ilbieraħ filgħodu dawn l-anzjani li qed noqgħodu għandhom, preparawlna kolazzjon qabel tlaqna u poġġew ħdejna u pruvajna nagħmlu konverzazzjoni... Imma ftit li xejn jafu ngliż. Huma jitkellmu l-Germaniz... Imma aħna le... Allura biex niftehmu ħlief sinjali, taħżiż fuq il-karti, ippuntar ta' swaba mhux naghmlu. Irene, li għidtilkom iltqajna maghha l-ajruport u laqqatna ma dawn l-anzjani, ilbierah offritilna li twassalna sal-eqreb stazzjon tal-ferrovija. U filgħaxija wasslitna lura ukoll... U dawn lilna ma jafuniex... U qed jittrattawna daqshekk tajjeb... Minjaf kieku jafuna!
Filghodu lbieraħ morna ħdejn l-istadju Letzigrund fejn kellha tintlghab il-logħba Italja kontra Franza... Hemm iltqajna ma ħafna nies, l-atmosfera għal bidu ma kinitx xi waħda spettakolari... Imma kif beda joqrob il-ħin tal-partita in-nies żdiedu u l-atmosfera kibret. Min ġej liebes ta' ruman... Min tal-maskott ta' Franza... Min miksi bnadar... Kulħadd ikanta l-innijiet u jagħmel kull tip ta' storbju... Għalkemm kienet logħba mportanti ħafna nistgħu ngħidu li ma tantx kien hemm tensjoni bejn il-partitarji... Anzi, bdew jifirħu u jieħdu gost flimkien. Qrib l-istadju ltqajna ma' xi esponenti tal-midja taljana... Nhar Il-Ġimgħa waqt xarabank tkunu tafu min huma u x'għandhom xi jghidu dwar l-euro 2008.
Hemm ukoll iltqajna ma koppja li ilhom isegwu l-logħob kollu tal-Italja mil-1982... Ma tilfux logħba wahda... Kull fejn imorru l-Italja... Huma jmorru warajhom!
Ħdejn l-istadju kien hemm għaddej negozju kbir bil-biljetti tal-logħba... Tara hafna nies ifittxu biex jixtru biljett għal-logħoba... Kien hemm min anke beda joffri 'l fuq minn 1000 ewro għal biljett. Il-logħba segwejniha fil-ħafna fan sites differenti li hawn madwar Zurich kollu... L-entuzjazmu u l-ecitament fost Il-partitarji kien kbir ħafna... Nhar Il-ġimgħa araw Xarabank u tifhmu ahjar x'qed ngħid... Illum jien u Norman intemmu l-vjaġġ tagħna fi Zurich...
